Pakistan chhim thlanga Balochistan province-a bomb tihpuahah mi 20 vel thi

Pakistan chhim thlanga Balochistan province-ah nizan khan bomb tihpuah a ni a, mi 20 vel an thi a, mi dang 30 vel an hliam bawk. Police-te chuan province-a Jhal Magsi biala Muslim sakhaw hmun pawimawh, Fatehpur Dargah kawta bomb tihpuah hi thih chilh bomb niin an sawi a, pawi khawihtu hian he hmun hi luh chilh a tum a, mahse police pakhatin a lo dan avangin bomb hi pawnah a tipuak ta niin an sawi a, Balochistan thupuangtu, Anwarul Haq Kakar-a chuan thih chilh bomb a ni tih a nemnghet tawh a ni. Hliam zingah hian police pahnih an tel nia sawi a ni a, he thil thleng avang hian tualchhung thuneitute chuan Sibbi leh Dera Murad Jamali-a damdawi inah emergency an puang nghal a ni. ISIS mi firfiak pawl chuan an media, Amaq hmangin hei hi an pawi khawihna hi an tihah an chhal a ni.