Pakistan-in inremna siam a nih theih nan India nena inbiak a remtih thu a sawi a, invaukhanna chi khatah ngaih theihin, missile a kap chhin thung.

0
593
views

Lok Sabha inthlan-a Prime minister Narendra Modi-a’n hnehna a chan leh rin a nih takah chuan Pakistan hian inremna siam a remtih thu a sawi a, Nilaini khan Kyrgyz khawpui, Bishkek-a Shanghai Cooperation Organization-a member te inhmuhkhawmnaah Pakistan Foreign Minister Shah Mehmud Qureshi chuan India Foreign Minister Sushma Swaraj nen an inhmuh thu a sawi a, ram in\henawm \ha tak an nih theih nan, an inhmuhthiam lohna te chu sawi rem an duh thu a sawi. Pakistan Prime Minister Imran khan-a pawhin Kashmir chungchanga an inhmuhthiam lohna te chinfel a nih theih nan India nen-a inbiak a duh thu a lo sawi tawh \hin a, Modi-a party BJP te’n hnehna an chan chuan inrema hi an siam theih a rin thu a lo sawi tawh a ni. Sorkar officer te chuan India inthlan hi zawhfel a nih hnuah inbiakna hi an neih an beisei thu an sawi a ni.

Heti rual hian Pakistan chuan missile Shaheen II a kap chhin a, Pakistan sipaite chuan missile hi mel 1,500 thleng kap thei anih thu an sawi a, India chungchang chu an sawilang lo thung.