Pakistan awp, Punjab-ah Pakistan Air Force indo thlawhna a tla a, a khalhtu a thi. Thuneitute chuan an indo thlawhna hi a khawl fel loh avanga tla nia an hriat thu leh, a khalhtu inkhawh chhuahna khawl a that loh avangin, thlawhna tlaah hian a thi tih an sawi a ni. Thlawhna chesual hi J-7 tia hriat, Russia indo thlawhna MiG entawna China-in a siam a ni a, kum 2013 atang khan siam chhunzawm a ni tawh lo a, Pakistan Air Force hian hetiang indo thlawhna hi 50 vel a nei nia hriat a ni a, kum 10 chhungin, J-7 thlawhna 10 vel a tla tawh nia hriat a ni bawk.
