Puan tawh angin nilaini khan Pakistan-ah hian inthlanpui neih a ni a, a felfai lo hle nia sawi a ni a, European Union mithiamte pawhin candidate-te zalenna neih dan a inchen loh thu leh campaign phalsak an nih dan a inchen lo tih a lo sawi tawh a ni. Ballot box ruak leh ballot paper chhar chungchang hi Pakistan police-te chuan an chhui chiang dawn niin an sawi a, Pakistan People’s Party PPP-te chuan ballot box hi PML-N mi ten polling station a\angin an ru chhuak niin an sawi a, an chharna hmun, Sialkot-ah hian PML-N candidate, Khawaja Muhammad Asif chu tling-ah puan a lo ni tawh a ni.
PML-N pawh hian an ram inthlan hi nasa takin an sawisel ve tho a, Election Commission lamin result a puanzar tawh pawh an pawm loh thu leh inthlan \hat neih an phut thu an sawi ve bawk a ni. Election Commission erawh chuan inthlan felfai taka an kalpui thu leh thil dik lo taka tih engmah a awm lo niin a sawi ve thung a ni.
