Pakistan PM chuan Afghanistan chungchanga US President-in India hnuh luh a tumna tha ti lo

Pakistan PM, Shahid Khaqan Abbasi-a chuan nimin khan US President, Donald Trump-a’n Afghanistan chungchanga India hnuh luh a tumna chu \ha a tih loh thu sawiin, hei hian thil pawi tak a thlen thei dawn niin a sawi. Pakistan PM hian US leh Pakistan inlaichinnaa India inrawlh tir chu thil awmze nei lo niin ngai a, India sorkar a inrawlh ve avang hian Afghanistan-a buaina chu chin fel a ni dawn chuang lo niin a sawi a, chanchinbu pakhatin a kawmnaah, Pu Abbasi-a hian Afghanistan tan hian muanna leh himna a duhsak rualin, Afghanistan mite kaihhruai leh hnathawh a\angin muanna hi thleng se a duh thu a sawi a ni. Kumin August thla khan President Trump-a chuan Asia khawmualpui chhim lam chungchanga a ngaihdan leh thil tum chu tlangzarhin, Afghanistan ram chungchangah hian India leh US inkarah thawh dunna \ha zawk siam a tiam a, Afghanistan rama muanna a awm theih nan India chu thawh hlawk leh zual turin a sawm a ni.