Pakistan PM hlui, Nawaz Sharif-a nupuiin Parliament inthlan chuh dawn

0
397
views

Pakistan PM bang ta, Nawaz Sharif-a nupuiin Parliament inthlan a chuh dawn niin Pakistan sorkar hotu pakhatin a sawi a, Sharif-a nupui, Kulsoom Nawaz-i hi hrawk cancer a nih avangin London damdawi inah enkawl mek a ni. Information Minister, Maryam Aurangzeb-i chuan, thla leha Lahore inthlanna chuh tur hian Kulsoom Nawaz-i hian London atangin Pakistan a pan thuai dawn niin a sawi a, a natna pawh hi a tir lam a nih thu leh, hmeichhe huaisen tak a nih thu a sawi bawk. Tun thla tir lamah khan Sharif-a kaihhruai, rorel lai pawl hian inthlan chungchang hi a rel a, Supreme Court thuchhuak avanga a pasalin a chhuahsan, Lahore bial ruak chuh tur hian a nupui dah ni se an ti a ni. Sipai hotu lu, Gen. Qamar Javed Bajwa-a pawhin Pu Sharif-a hi telephone-a biain, a nupui chu a that chhoh leh thuai a duhsak thu a hrilh a ni.