Sharif te pafa hi London a\anga an lo \um rualin man nghal an ni a, thlawhna a\angin police-ten hruai chhuakin, thlawhna dangah an hruai nghal a, Islamabad khawpuia Adiala lung-inah hruai nghal an ni. Sharif hi amah thlawptu mi \hahnem takin an lo hmuak a, \umhmun leh a chhehvelah buaina a chhuak nasa hman hle a, mipui pungkhawm leh police-te inbeihna-ah mi 50 vel an hliam nia hriat a ni a, police-te hian mittui tlakna hlo leh tiang hmangin mipui-te hi an bei a ni. Puan tawh angin Sharif hi Pakistan Muslim League party hruaitu a ni a, London khawpuiah in man to tak tak 4 a neih avangin eiru-ah puh a ni a, a hnathawh leh a sum dinhmun inmil loh vangin thiam loh chantir a ni a, a fanu pawh he thilah hian inrawlh ve a puh a ni a, a pa sum dinhmun thup a tum vangin thiam loh chantir a ni ve bawk a ni.
Chanchin Thar Pakistan PM hlui, Nawaz Sharif leh a fanu, Maryam-te Lahore tumhmunah man...
