Heng mite hian thawmhnaw var an inbel vek a, misual rual inhlawm khawm an nih rin a ni. Heng mite hian Hong Kong-a mipui rorelna duha lungawi lohna lantirtute leh Yuen Long chhehvela kawng kalte thir leh tiangte-in an bei a, mi 45 hliamin, mi pakhat chu a dinhmun a ngaihtuahawm hle a ni.
Hong Konga dan bawhchhia puh te, China-a thawn theihna tur dan duan tum chungchanga mipuiten lungawi lohna an lantir hnuah hetianga tharum thawhna hi a vawikhat thlenna a ni a, ram hruaitute chuan buaina chhuahna lai hmun Police ten an pan vat lo chu mak an tih thu an sawi a ni.
Hong Kong Chief Executive Carrie Lam chuan tharum hmanga inbeihna thleng chuan a \hawng hle tih a sawi a, mipui lungawi loten China ram aiawh palai pisa an bei pawh a dem thu a sawi bawk.
