Patna-ah motor vehicles act thar enchhinna Pathianni khan neih a ni a, lirthei enfiahnaah hian Union Minister, Ashwini Kumar Choubey-a motor chu kaltlang tir a nih vangin Police 3 suspend an ni a, an zingah sub inspector pakhat a tel.

Minister motor hi a fapa, Arijit Choubey-a’n a khalh a ni. Patna-ah hian Pathianni khan Bihar musuem bula Bailey kawngah police ten lirthei enfiah beihpui an thlak a, lirthei enfiaha thawk chhuak police te chu Patna Commissioner, Anand Kishore leh Superintendent of Police (Traffic) D Amarkesh ten an vil a ni.

Enfiah lova Minister motor kaltlangtirtu Sub inspector Devpal Paswan leh constable 2, Dilip Chandra Singh leh Pappu Kumar te chu SSP Traffic-in a suspend tih Patna Commissioner-in a sawi.