Pawl 5 hnenah NLUP pawisa cheng nuai 377.77 puk tir a ni

0
498
views

Agriculture Minister, Pu KS. Thanga’n pawl 5 hnenah NLUP pawisa cheng nuai 377.77 puk tir a ni tih House a hrilh a. Pu KS. Thanga chuan, NLUP pawisa hman dan turah inkaihhruaina mumal tak siam a nih tih a sawi a, NLUP pawisa hi pawl 5 hnenah puktir a ni tih sawiin, chhungte chu Hnam chhantu pawl cheng nuai 230 puk tir a, cheng nuai 35 an rul tawh a, rulh hmabak cheng nuai 193 an la nei a. LZ Bamboo Industries-in cheng nuai 10 pukin, an ni hi NLUP hnuai Agarbati siam thlangtute thil siamchhuah lei tur leh an hralh lehzelna tur ngaituahpui tura tih an ni a, an pawisa puk hi an la rul lova. Mizoram Broom India pawhin nuai 30 pukin, NLUP hnuaia hmunphiah chingtute thar chhuah lei tur leh hmun danga an hralh chhuahna tur ngaihven tura tih an ni a. CEDAR-in cheng nuai 50 pukin, Samuel Tea Factory pawhin cheng nuai 57.77 an puk a, heng pawisa puk tirte hian an rulh \hat loh hlawm vek avangin \ha zawka an rulh theih nan enfiah a nih tur thu a sawi. NLUP pawisa a\angin beneficiary te tan ni lo, inrelbawlna leh \ul dang atan cheng vbch 118.83 hman a ni tawh tih a sawi bawk. MNF member, Pu Lalruatkima’n kum 2016 January ni 29-a mimal pakhat Lianzami Khiangte hnena NLUP pawisa cheng nuai 165 pek a nih chhanna a zawhna chhangin Agriculture Minister chuan, he pawisa hi mimal Account-a a lut a nih chuan a hriatpui loh thu leh LE&IT hnenah Japan-a Mizo zirlai tirna atan NLUP sum hi puktir a nih thu a sawi a. He sum hi vawiin thlenga an la rulh loh thu leh an rulh thuai theih nan lo enfiah a nih tur thu a sawi. Hemi chungchang sawifiahtu House Leader, Pu Lal Thanhawla chuan, LE&IT Department hnena sum puktir a nih chhan chu Japan-a Mizo zirlai tirhna tur a nih thu a sawi a. Heng zirlai tirhte hian tunah hna an hmu \an mek a, a \hente phei chuan an sum puk hi an rul \an tawh nia sawiin, nuam an ti a, Japan hian hnathawktu a mamawh belh zel bawk avangin Mizo tam thei ang ber hnathawk tura thawn tura \anlak a nih tur thu Chief Minister chuan a sawi a ni.