Pi Sonia Gandhi-i’n Women’s Reservation bill pass turin PM ngen

0
828
views

Congress President, Sonia Gandhi-i’n PM hnenah lehkha thawnin, Lok Sabha-a member tam tak an neih avangin hmeichhiate tana hmun hauhna, Women’s Reservation bill, kum 2010 a\anga Lok Sabha-a inchiah tawh chu pass ngei turin a ngen a, nimin khan he lehkha hi a thawn a ni. Kum 2010 March ni 9-ah khan Rajya Sabha-in Women’s Reservation bill hi a pass a, Lok Sabha-in a la pass ve lo a ni. Tunah hian Lok Sabha member 543 zinga 62 chu hmeichhia an ni a, hmeichhia an tam ber \um a la ni. Pi Gandhi chuan, he bill hi pass a nih chuan, hmeichhiate chawi kanna kawnga thil pawimawh tak a ni dawn tih PM chu a hrilh a, kum 1989-ah daih tawh khan Congress Party leh an hruaitu, Rajiv Gandhi chuan ram danpui siam \ha-in, tualchhung roreltu thlannaah hmun hauhsak an lo tum tawh a, mahse eptu pawlten an dan tlat avangin Rajya Sabha-ah pass theih a ni ta lova, kum 1993-ah pass a ni ta niin a sawi. Lok Sabha Speaker, Sumitra Mahajan pawhin he bill hi pass ngei tur niin a lo sawi tawh a, CPI-M pawhin pass turin NDA a lo ngen tawh bawk a ni. Women’s Reservation Bill hi Lok Sabha leh state Assembly-a seat hmun thuma \hena hmun khat, hmeichhiate tana hauhna tur a ni.