PM Narendra Modi political party hotute’n an bei chhunzawm zel.

0
539
views

Congress hotu Ahmed Patel chuan Modi-a’n a campaignaah Rajiv Gandhi a beih chhunzawm zel chungchangah Rajiv Gandhi chu heng puhna belhchian dawl lo leh insawiselna te hi chhanglet turin an zingah a awm tawh lo a, heti chunga ram tana a nunna hlantu Prime Minister beih chu dawihzepna tawp khawk a ni a ti.

PM Modi-a’n Delhi Chief Minister Arvind Kejriwal-a sorkar chu engmah thawh nei lova a puh chungchangah Arvind Kejriwal hian a sorkar chuan mipui zirna leh hriselna lam te, kawlphetha an dawn \hat theih nan te hna a thawk tih sawiin Modi chuan kum 5 chhungin mahni intih ropui leh inchhuang taka thu sawi bakah ram pawna zin bak enge thil dang a tih tiin a zawt let bawk a ni. Kum 2014-a a tiam tawh, Delhi state nihna pek chu tun thlenga tih hlawhtlin a la nih loh chhan a zawt let bawk a, Delhi khaw chhunga adversisement tar chhuah tun thlengin khap a la nih chhan te leh Imran Khan-a nena an inzawmna chungchang te sawifiah turin Modi chu a phut bawk a ni.

PM Modi-a’n a sorkar chu ramri pela mifirfiak te laka beihpui thlak hmasa ber an ni tia a sawi chungchangah Punjab Chief Minister Amarinder Singh chuan India rama thil lo thleng tawh chanchin zirtir a ngai a ni a ti a, ram sipaite hian vawi tam tak ramri pelin beihpui an thlak tawh \hin a, amah sipaia a \an lai ngei pawhin vaw 100 chuang beihpui an lo thlak tawh tih a sawi a ni. Pakistan-a mifirfiakte inkhuarna Balakot thlawhna hmanga beih a nih hnuah BJP party chu an campaign thupuia hmangah a puh a, Indira Gandhi PM a nih lai kum 1965 leh 1971-ah Pakistan \hen a nih \um khan Indira chuan ka ti thei ta e a tih bik loh thu sawiin ram sipaite leh Field Marshal Sam Manekshaw chungah lawmthu a sawi zawk a ni a ti a, Modi erawh chuan ama tih angah a chhal vek a, sipaite chu Modi sipai te an ni lo a ni a ti.