Police ten Journalist te bitumin, Sydney khawpuia Australian Broadcasting Corp (ABC) hmunpui an dap.

0
476
views

Police te hian reporter pahnih leh news director te dap phalna search warrant nen ABC hmunpui hi an luh chilh a, Police te hmalak dan hi ABC chuan a dodal nasa hle. Police te hian article pakhat, Australia sipaite Afghanistan-a an chet dan tarlanna bawhzuiin ABC hi an dap a, hemi hmalam hian Journalist pakhat pawh Police te hian an lo dap tawh a ni. Journalist te intelkhawmna pawl chuan chanchinbumite cheksawlhna lian tak a ni tih sawiin, Police te hmalak dan hi na takin an sawisel a ni. ABC sawidanin hetianga police te an chet chhan hi kum 2017-a an tih chhuah, The Afghan Files tih bawhzuina a ni a, hetah hian dan kalha sipaiten mi an thah thu te leh Afghanistan-a Australia Special force te chet dan dik lo te pholan a ni a, ABC chuan an thuchhuah hi Defence lehkhapawimawh 100 chuang, a ruka an neih behchhan a ni an ti a, Australia Federal Police te chuan puanzar phal loh thuruk an puanzar vanga thubuai hi siam a ni tih an sawi, Defence force hotulu leh Secretary for Defence te thu thlen bawhzuia hmala an ni tih an sawi.