Aizawl West II Assembly bial Mizoram People Forum-in vawiin khan Kanan veng Presbyterian Kohhran Hall-ah an huam chhunga Political party hrang hrang tan thawhhona thuthlung zirhona a buatsaih a. Chawhma lam hi Aizawl West II Constituency MPF Forum President, Rev. C. Chawngliana’n a kaihruai a, MPF General Hqrs. General Secretary, Rev. Dr. R. Lalbiakmawia’n thawhhona thutlung chungchang sawiin MPF chu Assembly inthlanna ralmuang, zalen, thianghlim leh \ha a awm theih nan leh sorkar \ha a awm theih na atan thawk \hin a nih thu a sawi a, kum 2008 inthlanah in tina l<ta house to house campaign neih phal a ni lova, inthlanna boruak pawh a ziaawm phah hle nia an hriat thu te, inthlan hnuhnung ber kum 2013 ah erawh chuan inthlan hma ni 10 hma lamah house to house campaign neih phalsak an nih thu sawiin, kumin Assembly inthlan turah erawh chuan Political Party hrang hrangte duh dan angin Election Commission-in campaign a phal chhung chu house to house campaign phalsak an nih thu a sawi. Rev. Dr. R. Lalbiakmawia chuan, Candidate-te chu in tin l<ta campaign phal sak ni mah se MPF Local Forum hruaitute nen neih \hin tur a nih thu sawiin, mipuite pawh an vote lei leh hralh lo tura hrilhfiah a pawimawh hle dawn niin a sawi.
Chawhnu lam chu Aizawl West II Constituency MPF Forum Vice President, Rev. H Lalchhanhima’n a kaihruai a, zawhna leh chhanna bakah sawihona hun hman a ni bawk. He inkhawmah hian Political Party hrang hrang aiawhte leh MPF memberte an tel a ni.
