Politican leh sumdawng lian \henkhat leh journalist-te’n ham\hatna eng emaw siam tumin inzawmna an nei \hin nia Supreme Court-a thlentu NGO, Centre for Public Interest Litigation, CPIL leh an ukil rawih Prashant Bhushan Supreme Court-in a khak a, thihna kaihhnawih thubuai la chinfel loh 65 a\anga 75 inkar vel a awm thu leh hei hi ngaih pawimawh a \ul thu a hrilh zui nghal.

Chief Justice Ranjan Gogoi leh Sanjay Kishan Kaul-te chuan CPIL chu lehkha tlem azawng, a hlutna pawh la hriat loh hmanga thubuai thlen a tum chu an sawisel a, ram danpui bawhchhiatna nia ngaih thubuai la chinfel loh \hahnem tak a awm tih Bhushan pawh chuan a hre lo a nih an rin thu te leh mi eng emaw zat, damchhungin an tang dawn nge dawn lo pawh la hriat loh tan-ina khung mekte thubuai pawh la eng emaw zat a la awm thu te, he’ng te ngai pawimawh hmasa tura Supreme Court roreltute a duh zawk thu Gogoi hian a sawi bawk a ni.