Pope Francis-a’n Catholic Biakin chhunga mipat hmeichhiatna kawnga mawi lo taka inkhawihna thleng \hin sawiho turin, ram hrang hrang Bishop te Rome-ah a ko.

0
53
views

He inhmuhkhawmna hian ni 4 chhung a awh dawn a, Catholic hotulu 190, hmeichhe 10 tiamin he sawihonaah hian an tel dawn a, hei hi mipat hmeichhiatna lam hawia mawi lo taka inkhawihna thleng thin hetianga sawiho \um khatna tur a ni.

Catholic Biakin-a thil thleng mualphothlak tak tak hriat tur a lo awm tawh \hin a, journalist te leh dan kengkawhtute hmalakna avangin heng hming chhiatna te hi chiang leh zuala hailan a lo ni ta zel a, kum 2018-a thubuai lo awm zel te chuan Catholic Biakin te laka mipuiten rinna an nghah chu a ti derthawng a ni tih Bishop hlunte chuan an sawi a, Biak In chhunga naupangte venhimna chungchang tih thupui hmangin heng Catholic hotu 190 te hian pawikhawihna thleng \hin ti bo tura \an lak dan tur an sawiho dawn a ni. Pawikhawihna tuartute enkawldan chungchang leh hetiang thil a thlen tawh lohna tura hmalak dan tur te Bishop rualte hi zirtir an ni dawn a, pawihkhawihna tuartute’n an sawichhuah ngamna tura kalphung langtlang, mawhphurhna la ngam leh rintlak duan dan turte an zirho ang.

Hetianga intawhkhawmna hi lo awm tawh \hin mahse, tun \um hi Pope-in a koh vawikhatna a ni a, Pope Francis hian pawikhawihna tuartuten an thil tawn an sawichhuahna hun a pe tam a, ram dang bishop te chu a tihdan zui turin a fuih bawk a, Vatican hian a hmain thup \hin mahse hetiang thil sual hi biak in chhungah a thleng fo tih a pawm tawh a, tun \um intawhkhawmna neih tur hi khawvelin a ngaihven hle a ni.