President, Pu Ram Nath Kovind-a’n Aizawl lo thleng

0
726
views

President, Pu Ram Nath Kovind-a’n zan khat riaka Mizoram rawn tlawh turin vawiin chawhnu khan Aizawl a lo thleng a, Lengpui \umhmunah Larsap, Lt. Gen. Nirbhay Sharma leh CM, Pu Lal Thanhawla’n an lo dawngsawn hnu-ah Helicopter-in |huampui Helipad an pan nghal a, Helipad-ah hian Sipai chawimawina, Guard of Honour pek a ni a, Helipad sira amah lawmna inkhawm buatsaihah zaipawlin, ‘Ka pianna Zoram nuam’ tih hla an sa a, hemi hnu hian Raj Bhavan lam a pan a ni. President-in |huampui Helipad a\anga Raj Bhavan a panna-ah hian Bawngkawn, Chaltlang, Chanmari a pal tlang a, a kalna kawng dung tluanin mipuiten kawng sira dingin an lo lawm a, tluang taka a kal theih nan Traffic Police-ten President kal laiin he kawngah hian motor dang tlan an khap a ni. President hian Raj Bhavan a pan nghal a, vawiin tlai khan Raj Bhavan Durbar Hall-a inkhawmah khawpuia cheng mi retheite tana chenna in tur, Housing Complex for Economically Weaker Section a hawng a, hemi hnu hian CM, Pu Lal Thanhawla leh a thawhpui, Minister-ten an hmu leh a ni. President lo zin pual hian zaninah hian Raj Bhavan-ah Larsap, Lt. Gen. Nirbhay Sharma’n zanriah a buatsaih a, Mizo hnam lam pawh entir a ni ang. Zanina Raj Bhavan-a a riah hnuah President hian naktuk chawhma dar 10-ah tlawmngai pawl hruaitute leh khawtlang hruaitute Raj Bhavan-ah a kawm leh ang a, hemi hnu, chawhma dar 11-ah Mizoram Assembly session-ah thu a sawi ang a, nakt<k zinga PC Girls School tlawh tura ruahman chu \hulh a ni a, Aizawla school \henkhat naupangten President hi Raj Bhavan-ah an hmu zawk dawn a ni. President hian naktuk chawhnu lamah Aizawl chhuahsanin Nagaland a pan ang.

Mizoram rawn tlawh mek, kum 72 mi, Pu Ram Nath Kovind-a hi President 14-na a ni a, Uttar Pradesh-a Kanpur Dehat-ah kum 1945 October ni 1 khan a piang a, Kanpur University a\anga B.Com leh LL B zir chhuak, ukil hlawhtling tak a ni. Kum 1977 a\anga 1979 thleng khan Delhi High Court-ah ukil a ni a, 1980 a\anga 1993 thleng khan Supreme Court-a sorkar laipui ukil pakhat a ni bawk. Kum 1994 April thla khan Rajya Sabha member atan thlan a ni a, kum 2006 thleng khan MP a ni a, hemi chhung hian Parliament Committee tam takah member a ni. Bihar Larsap a nih laiin President atan thlan a ni ta a ni. Amah hi hnam hnufual, Dalit mi a ni a, Pu KR Narayanan tih lohah chuan hnam hnufualte zinga President awm chhun a la ni.