President Ram Nath Kovind-a’n Parliament ah thu sawiin, kum 5 chhunga sorkar ngaih pawimawh turte a sawi chhuak.

0
502
views

Lok Sabha 17-na Session hmasa berah President hian thu sawiin, mipuite khawsak phung tih hmasawn piah lamah vantlang nun hona-a intluktlanna thlentir tur leh van thengreng thiamna ti hmasawn turte-in nasa leh zuala \anlak a ni dawn tih a sawi a, sorkar chuan ram chak tak leh hausa-a India ram siam turte, hmasawnna huapzo thlen turte in hma a la dawn a ni a ti.

Lok Sabha leh Rajya Sabha Joint Session hi parliament central hall ah neih a ni a, President hian ram mipui tam takin nitin khawsakna atana an mamawh hmuh ve phak an duh a, sorkar chuan heng mi te hi ngaihpawimawh hmasakah a nei dawn a, retheihna ata khai chhuaka zahawm taka an nun theihna turin hma a la dawn a, khawpuia cheng te leh thingtlanga cheng ten a ruala hma an sawn ve ve a \ul a ni a ti.

President hian Prime Minister Narendra Modi-a rawtna, Lok Sabha leh Assembly inthlanpui a ruala neih chu tun dinhmuna tihhlawhtlin \ul tak a ni a ti a, Muslim mipa ten an nupuite awlsam taka an \hen theihna Triple Talak ang chi te nuaibo chu hmeichhiate dinhmun chawikanna kawnga thil pawimawh a ni a ti a, kum 2022 ah India chuan kum 75 a tling tawh dawn a, hetah hian India thar, New India din hman turin sorkarin hma a la dawn a ni a ti.

Ni rei lote chhungin sorkar chuan Industial policy thar puanchhuah a tum tih pawh President hian a sawi a, hemi rual hian chhiah lakna dan Goods and Services Tax chu awlsam zawka kalpui tum a nih thu leh zirna in sang zawkah te seat tam zawk hawn belh tum a nih thu te, miretheite chenna tur in ngaihtuah sak zel anih tur thu te leh an hriselna enkawlna tur lam pawh tih changtlun zel anih tur thu te a sawi bawk.