Prime Minister hian Central leh State inthlanpui neih \hin a ruala buatsaih chungchangah leh Niti Aayog kaltlanga District hnufual zual tih hmasawnna hna thawh dan tur chungchang sawiho turin party hrang hrang aiawhte intawhkhawm hi a ko a, party pasarih hruaituten an tel theih loh tur thu an sawi tawh a ni.
Heng zingah hian BSP hruaitu Mayawati leh Samajwadi hruaitu Akhilesh Yadav te pawh an tel a, Mamata Banerjee leh DMK hotu MK Stalin te pawhin aiawh tirh an tum lo a, Delhi Chief Minister Arvin Kejriwal, CM hlui Telegu Desam Party hotu N Chandrababu Naidu leh Telangana Chief Minister K chandrasekhar Rao te chuan aiawh tirh an tum thung a, Congress party chuan an tel tur leh tur loh an la puangzar lo a ni.
Lok Sabha leh State Assembly inthlanna a ruala neih rawtna chu Prime Minister in party hrang hrang aiawh \hutkhawm a kohah hian sawiho tur langsar ber a ni dawn a, eptu party te chuan hei hi \ha an ti lo a, India ram inrelbawlna, state hrang hrang thawh hona nihphung a sawi danglam thei dawn niin an sawi.
