Prime Minister Narendra Modi leh Singapore Prime Minister Lee Hsien Loong ten ram pahnihin tuipui enkawl kawngah leh Indo Pacific biala remna leh muanna vawnhim kawngah te thawhdun an remti tih an sawi. Prime Minister hian Indonesia leh Malaysia te a tlawh hnuah nimin khan Singapore hi a thleng a, hun lo kal zel turah cyber security chungchang leh firfiaka chetna do letna chu ram pahnihte thawh dunna tur a la ni dawn tih Prime Minister chuan a sawi a, Singapore Prime Minister nen hian sumdawnna kaihhnawiha ram pahnihte inkungkaihna tih ngheh leh zual dan tur te leh thiamna in hrilh tawn chungchanga hmalak dan tur te pawh an sawi dun a ni. Prime Minister a kawm hma hian Modi hian Singapore President Halimah Yacob pawh a kawm a. President chenna ah hian ropui taka lo lawm a ni. Modi hian Shangri-La Dialogue ah thu a sawi bawk ang.
