He inhmuhkhawmnaa thusawitu Pu Lalduhoma chuan, tun hnaia Lok Sabha-a The Citizenship (Amendment) Bill, 2016 pass a nih avangin hmarchhak pumpui chu ram kâng ang maiin a kâng duai duai tih sawiin, CAB vangin hmarchhak miten ram neitu nihna an hloh mek a, ram neitu nihna thinlung put kawngah an a tlahniam nasa hle niin a sawi. Pu Lalduhoma chuan, he Bill hi dana siam a nih vaih chuan India ram hi Mizoram tan chuan awm rengna tlakah an ngai dawn lo tih Prime Minister, Pu Narendra Modi chuan lo hria se a duh tih sawiin, helai hmuna an lo kal chhan chu, sorkar laipuiah sorkar hmel thar, sakhaw tihbik nei lo sorkar dik tak hmuh an duh vang a ni a, he Bill hi hnuhkîr emaw, hmarchhak bial huamtir loh emaw an phût tih a sawi. ZPM Leader chuan, hnam tênau, sakhaw tlem zawkte chu BJP sorkarah an him lo hle nia sawiin, India ram ropui tak history chu an duh dan dana ziak \hain an tidanglam duh a, mimal nunah an inrawlh a, an ei tur leh ei loh tur thlenga thuneih tumah puhin, sakhaw biakna thilah BJP chu an inrawlh \hin niin a sawi a ni.
