Punjab National Bank kaltlanga pawisa tam tham tak tih chingpen chungchanga man tum mek, Mehul Choksi chu Antigua and Barbuda-ah a awm nia hriat a ni a, finfiah tur leh a awm ngei a nih chuan ram danga zin sawn thei lo tura hreng turin India-in a ngen.

0
673
views

Ministry of External Affairs chuan Mehul Choksi hi kum tir lam khan Antigua and Barbuda khua leh tui nihna pek a lo nih tawh thu leh he ramah hian a awm mek nia thu an dawn hnuah, Georgetown-a Indian High Commission hotute’n Antigua and Barbuda sorkar hnenah ngenna an thehlut ve nghal tih an sawi a ni. Puan tawh angin Mehul Choksi hi rangkachaka sumdawng a ni a, a vahpa, Nirav Modi nen Punjab National Bank kaltlangin pawisa cheng vbc 13,500 vel dik lo taka peipungah puh an nih vangin an lakah thubuai siam a ni a, mahse an pahnih hian January thla khan India an lo chhuahsan ve ve hman a, an passport pawh thuneitute’n an hrensak nghal a ni. Antigua and Barbuda leh India ramte hian an mi man duh inpek dan chungchang inremna an neih sa loh avangin Mehul Choksi man dan tur pawh hi thuchiang a la awm thei lo a, an ram sorkar erawh chuan khua leh tui nihna a dil lai khan thubuai hi a lo nei tawh a nih chuan, hlihsak leh a nih theih thu leh inremna nei sa lo mahse, India sorkar ngenna ngaih pawimawh a inpeih reng thu a sawi bawk a ni.