Rahul Gandhi-a’n Assembly inthlanpui hmachhawn tur State hrang hranga an party hruaitute a kawm kual dawn nia sawi a ni a, party president a\anga inhnuhdawh a tum mek nia sawi karah he thil hian party mipuite a ti phur thar hle.

0
390
views

Lok Sabha inthlanpuia hnehna an chan zawh loh hnuah Rahul Gandhi hian party hotu lu anihna bansan a tum thu sawi mahse, Congress Working Committee chuan a remti lo a, hemi hnu hian kum 49 mi Rahul Gandhi hi a chenna inah inkhungin party hruaitu lawkte pawh hun rei tak chhung a hmu duh lo a ni.

Gandhi hian June ni 27 khian Maharastra Congresss hruaitute a kawm dawn nia sawi a ni a, hemi hnu hian Haryana leh Delhi hruaitute pawh a kawm zui dawn nia sawi a ni. State hrang hrang viltu General Secretary rual te pawh an report thehlut tura hriattir an ni a, state hrang hranga congress party hruaitute siksawi an nih rin a ni.

Congress party hian Uttar Pradesh leh Karnataka-a an party hruaitu nilaite a \hiat tawh a ni.