Rajiv Gandhi thahnaa inhnamhnawih, dam chhung lung in tang tura a chungthu rel, Nalini Sriharan chu a fanu, Harithra-in pasal a neih dawn avangin thla khat chhung atan vellore tanin a\angin chhuah lailawk a ni.

Nalini Sriharan hi kum 27 chhung a tang tawh a ni. Chhuah a nih chhungin Vellore a chhuahsan khap a nih bakah, Politician leh chanchinbumite kawm khapsak a ni bawk a ni.

Nalini hian tun thla tir khan Madras High Court-ah thla ruk chhung chhuah a dil a, Rajiv Gandhi thah chungchangah dik lo takin an hrem niin a sawi a, lung ina a tan vangin nu a nihna a hlenchhuak thei lova, a fanu a enkawl theih loh phah bawk tih a sawi.

Nikum khan Nalini hi a pa, Sankara Narayanan a thih vangin a vuinaa tel turin ni khat chhuah lailawk a lo ni tawh bawk a ni. Nalini hi a tirah chuan thi tura a chungthu rel a ni a, amaherawhchu, lung in a tan laiin nau a neih avangin Sonia Gandhi a inrawlh hnuah a chunga rorel dan chu thlak sakin, dam chhung tang tura tih a ni ta a ni.