Rajya Sabha Member hlui, Pu Lalhmingliana chuan TA a bill dan chungchanga Delhi CBI Court-in kum thum tang tur leh pawisa chawitir tura a chungthu a relsak chu Delhi High Court-ah a khinglet dawn.

0
425
views

ZONET zawhna chhangin Pu Lalhmingliana chuan he thilah hian Delhi-a a Ukil te a biakfel tawh thu leh tunah hian a Ukil te chuan he thutlukna siam chhanna tur an buatsaih mek thu a sawi a, karleh Nilaini, tun thla ni 12-ah New Delhi-ah kalin Court thutlukna hi Delhi High Court-ah khinlet a tum thu a sawi a ni.

Hemi hmalam hian Delhi Special CBI Judge, NK Malhotra chuan Indian Penal Code leh Prevention of Corruption Act tlawh chhanin Pu Lalhmingliana TA bill dan dik lo nia sawi chungchangah hian thutlukna siamin kum thum chhung tang tur leh cheng nuai 11 chawi turin a chungthu a lo relsak tawh a ni. A thutlukna siam hi Court sang zawka a khinlet theih nan CBI Court chuan statutory bail a phalsak a ni.