He Programme hmanpuitu Sialkal Range Development Council Chairman, Pu L Thangmawia MLA chuan, sorkar a\anga hmasawnna hnathawhte chu hlep tam ringawt um lova ram leh khawtlang tana rotlinga thawh a pawimawh tih a sawi a, Pu L Thangmawia chuan, Chief Minister, Pu Zoramthanga hmalaknain Lengteng bial huamchhunga Kawlkulh leh Keifang kawng leh Khawzawl leh Champhai inkar kawngpui siam\hatna tur sorkar laipuiin sum a pek chu dik taka hman a \ul a, hnathawhna Tender pawh chhuah tawh a ni a, reilote chhungin hnathawh \an theih beisei niin a sawi a ni. Pu L Thangmawia chuan he hna hi tu pawhin thawk se \ha taka thawk turin mipuiin an beisei niin a sawi a ni.
Hemi hnu hian Pu L Thangmawia hian Vankal khuaa Solar Park siam mek chu a tlawh a, hnathawktute chu a hun taka hna zo tur leh harsatna an neih te amah chu hrilh hreh lo turin a chah a, Changzawl High School, Hliappui leh Vankal YMA Branch te tan Computer set 1 \heuh a pe bawk.
