Ram danpui siam that chungchang a sawi danah Union Minister Hegde-a’n thupha chawi

0
432
views

Union Minister, Anant Kumar Hegde-a’n ram danpui siam \hat chungchang a lo sawi danah thupha a chawi a, puan tawh angin, Pu Hegde-a hian Pathianni khan ram danpui siam \hat chungchang hi Karnataka-a inkhawm buatsaihah a sawi a, hei hian Parliament inkhawmah thawm nasa tak a siam avang leh, eptuten bang tura an ph<t t^k hial avangin, vawiin khan House-ah thupha a chawi ta a ni. Vawiina Lok Sabha inkhawm \an veleh, Congress hruaitu, Mallikarjun Kharge chuan nimin ang bawkin, Pu Hegde-a thusawi an duh loh thu hi a sawi chhuak leh a, sakhaw tih bik neih loh chungchang leh ram danpui siam \hat chungchang a sawi zawm dan chu an pawm theih loh thu a sawi hnuah, Speaker, Sumitra Mahajan chuan hemi chungchang hi sawi zawm tawh lo turin a ti a, Minister of State for Skill Development hian thil awm dan a sawifiah tur thu a sawi nghal a ni. Pu Hegde-a chuan, India ram leh a danpui te, a duangtu, B R Ambedkar-a te a zah thu sawi hmasa-in, engti zawng maha zah lohna a lantir loh thu a sawi a, ram danpui zah loh leh bawhchhiat phei chu a ngaihtuah ngai loh thu a sawi laiin Congress member-te chuan Hegde-a chu thupha chawi ngei turin an ph<t leh a, Speaker chuan, tupawhin ram danpui emaw, Pu Ambedkar-a emaw zah lohna lantir lo mah se, an thusawiin mi dang rilru a tihnat theih avangin, chutiang thil a lo thlena puitling taka thupha a chawi chuan, a zahawmna a hniam phah ngai lo tih a sawi a, hetia Speaker-in a nawr hret hnuah hian Hegde-a chuan, Pathianni kal taa a thusawi chu dik lo taka sawi chhawn leh theh darh nia sawiin, tute emaw rilru a nat phawt chuan, tim hauh lova thupha a chawi thu a sawi ta a ni. Puan tawh angin, nimin khan hemi chungchang avang hian Parliament in hnih rorel inkhawm chu a kal tluang thei lo a, an sawi dan chuan Minister hian, mi tinin an sakhua an hre chiang tur a ni a, mahni nu leh pate dinhmun pawh hre chiang mang loten sakhaw tih bik nei lo-ah an inchhal ve mai zel a, an nihna an hre chiang lo a, nihna mumal pawh an nei lo tihna a ni, a ti a, ram danpui siam\hat a nih tur thu a sawi zui bawk a ni.