WCD thuneitute chuan CCI khar takte hi sorkar laipuiin inkaihhruaina dan a zam an zawm loh vang te leh sorkar hnuaia inziak lut an nih loh vanga khar an ni tih an sawi a, heng hmuna naupang enkawl laite pawh hmun danga sawn an ni tawh tih an sawi bawk a ni. Puan tawh angin kumin May thla khan Bihar Muzaffarpur-a Shelter Home-a enkawl lai hmeichhe naupang eng emaw zat chu mipat hmeichhiat kawngah khawih chingpen an ni tih hriat chhuah a ni a, August thla pawh khan Uttar Pradesh Deoria-ah hetiang thoa thil thleng hi hriat chhuah a ni leh bawk a, WCD chuan National Commission for Protection of Child Rights hnenah thla hnih chhunga ram puma CCI zawng zawng endik turin a hriattir a, Union WCD Minister, Maneka Gandhi pawhin state leh district level-ah Child Welfare Committee din a rawt bawk a ni.
