RedBull Road To Rookies champion leh pahnihna CM-in thingpui inpui

0
772
views

Bike-a intlansiakna hautak tak, RedBull Road To Rookies, Tamil Nadu-a Coimbatore-a tun thla ni 3-a neih zawh taka Champion, Lalhruaizela, Bawngkawn leh pahnihna, Lalnunsanga, Electric Veng te chu nimin tlai khan CM, Pu Lal Thanhawla’n a chenna Bangla-ah a lawmna thingpui a inpui. He inelnaa pakhatna leh pahnihna hi Mizoram Motorsports Association hruaituten an tawiawm a ni. Lawmpuina thu sawiin CM chuan he hlawhtlinna hian Mizo thalaite talent neih thatzia a pho lang niin a sawi a, thalai infiam mite thiamna leh theihna tihhmasawn nan sorkarin tan a la zel dawn niin a sawi. RedBull Road To Rookies Champion, Lalhruaizela hi RedBull Rookies Cup Qualifying-a tel turin October thlaah Spain ramah a kal dawn a ni.