Reserve Bank of India Monetary Policy Commitee, Governor Shaktikanta Das kaihhruaiin, sum puk a\anga pung zat repo rate za zela 0.25 leh 5.75 inkarah a ti hniam.

0
417
views

Repo rate hi commercial bank ten RBI a\anga sum an puk pun dan sawina a ni a, member paruk awmna Monetary Policy Committee hi ni thum chhung an \hutkhawm hnuah he thutlukna hi siam a ni a, hei hian mipui nawlhpuiah chuan in sakna tur home loan, motor leina car loan leh loan dang punna te a tihniam dawn a, bank-a sum dah punna erawh a tlahniam hret thung ang.

Hetihrual hian RBI hian sum in thawn tawnna, RTGS leh NEFT-a sum chawi ngai \hin te nuaibo a rel bawk a, RTGS hi sum tam tham deuh Bank pakhat a\anga bank danga transfer-na a ni a, NEFT hi cheng nuai 2 thleng transfer nana hman \hin a ni thung. RTGS leh NEFT a\anga pawisa chawi ngai \hin te ti tawp tur hian hriattirna RBI hian bank hrang hrangah a pe chhuak thuai dawn a, tun dinhmunah SBI bik chuan NEFT ah hian cheng 1 a\anga cheng 5 thleng a la \hin a, RTGS ah chuan cheng 5 a\anga cheng 50 thlengin a la \hin a ni. RBI hian ATM a\anga pawisa lak chhuah a\anga chawi awm \hin enfiahtu tur committee pawh a din bawk.