Reuter reporter pahnih, Sorkar thuruk vawnhimna dan bawhchhiaa puha Myanmar sorkarin a man ten chhuah an dilna chu Myanmar Court in a hnawl.

0
89
views

Wa Lone leh Kyaw Soe Oo te hi thiam loh chantir an nih hnuah kum 7 tang tura hrem mek an ni a, an chung thu Myanmar sorkarin a rel dan hi khawvel ram dangte leh human rights lam buaipuitute chuan an dem hle a ni. Hetihlai hian an ngenna ngaihtuahtu Judge Aung Naing chuan kum 7 chhung tang tura hrem an ni chu an thil tih nen a inphu tawk hle niin a sawi a, an aiawha ding ukil te chuan pawi an khawih lo tih an finfiah zo lo a ni a ti.

Heng Reuter reporter pahnihte hi sorkar lehkha pawimawh an kawlte nen man an ni a, heng lehkhate hi police officer pakhat kut a\anga an dawn a nih avangin police te thangkamah an awk niin an insawi a, thiam lohna an nei lo tih court hmaah hian an sawi a ni. Man an nih lai hi heng reporter pahnihten Rohingya buaina chungchang an chhui lai kha a ni a, Myanmar sipaiten hel pawlte laka beihpui thlak-a Rakhine bial an beih avang khan helai hmuna cheng Rohingya mi sang tel tam takin Myanmar an tlan chhiatsan a, mi tam takin an thih phah a ni.