Aizawl khawpui chhung hmun hrang hrang fangkualtu Zonet palai sawi danin, tunkar thawh\anni a\anga Road Safety Week hman \an puala No Tolerance Week a ni hian Aizawl khawpui a ti thawl nuam hle a. Lirthei veivak tlem phah lutuk lo mah se, a dahna hmun tur ni lova lirthei in h<ng te, lirthei tlan dan mumal lo leh Traffic dan bawhchhiatna hrim hrim a tlem avangin lirthei chevelah harsatna a awm lova, Bazar huam chhung leh hmun lun zual laiahte Traffic Jam awm zeuh zeuh bawk mah se, ni danga Traffic Jam nasa leh lirthei tawt lutuk ang chi a awm lova, Traffic che vel a thawl nuam hle a ni.
Zonet zawhna chhangin Traffic Police hotute chun, No Tolerance Week an kalpui avang hian Aizawl khawpui chhungah lirthei tawt vanga harsatna leh Traffic Jam nasa lutuk a awm lo tih an sawi a. Aizawl khawpui chhung hmun hrang hranga dan bawhchhia an awm leh awm loh an enfiahnaah dan bawhchhia leh lirtheiin a neih tur lehkha pawimawh nei famkim lo man tur an awm zeuh zeuh a. Hetiang mi hi man tur tam lutuk lo mah se, dan khauh taka kenkawh a ni tih mipuiin an hriat avangin dan zawm famkim lote an inthlanhrun phah nia an hriat thu an sawi.
