Robert Malsawmtluanga, Society of Jesus chu vawiin khan Roman Catholic puithiam atan Aizawl Bishop, Most Rev. Stephen Rotluanga’n a nemnghet. Robert Malsawmtluanga hi Mizote zinga Jesuit Puithiam hmasa ber a ni. A nemnghehna inkhawm, Kolasib-a St. Joseph The Worker Biak Ina neih hi Rev. Fr. Caleb Laldawngsanga’n a kaihruai a, Aizawl Bishop chuan a hun pum hmanga Pathian rawngbawltu tur, Robert Malsawmtluanga fuihna thu leh kohhran member-te fuihna thu a sawi a ni. Puithiam thar nemngheh inkhawm neih hnu hian a lawmna inkhawm neih zui a ni.
