Rohingya Muslim-te tanpui nan US-in thil chi hrang hrang, dollar mtd. 32 hu pe dawn- US State Department

0
761
views

Myanmar ram a\anga Bangladesh rama raltlan, Rohingya Muslim-te \anpui nan United States-in thil chi hrang hrang, dollar mtd. 32 hu a pe dawn tih State Department-in a puang a, Rohingya mite dinhmun hi a chhiat em avang leh, an thil tuar hi a hautak em avangin America chuan \anpui awmah a ngai tih State Department Acting Assistant Secretary, Simon Henshaw chuan New York-a UN General Assembly inkhawmah a sawi. Hemi hma hian US Secretary of State, Rex Tillerson chuan Myanmar hruaitu, Aung San Suu Kyi a bia a, Myanmar sorkarin Rakhine state-a tharum thawhna tihtawp a tumna leh, raltlante pawh an haw leh a remti chu lawmawm a tih thu a hrilh a ni. Tillerson-a chuan Myanmar sorkar leh sipaite chu raltlante dinhmun hriatpui a, an hrehawmna su kiang zawnga thil ti turin a ngen bawk. US State Department chuan, chaw, damdawi, tui thianghlim leh thil hmanhmawhthlak dang ngaihtuah thuai chu tihmakmawh niin a sawi a, raltlante hi nuai 4 chuang an nih tawh avangin, hri a len loh nan pawh \an lak a ngai hle tih a sawi. Tuna mi nen hian sorkar kum kal meka America-in Myanmar ral tlante a chhawmdawlna chu dollar mtd. 95 hu vel a ni dawn a ni.