Tui chim chin hi a san belh zel avangin mipui sang tel tam takin an in rauhsanin hmun him lam an pan a, mitthi te bakah hian chin hriat lova bo mi \hahnem tak an la awm rin a ni. Russia Deputy Prime Minister Vitaly Mutko chuan tuilian kaihhnawih chhiatna thlenga hliam tuar mi 150 te chu damdawi in panpui an ni tih a sawi a, hengte bakah hian mi 9 chin hriat lovin an bo tih a sawi.
Lui tui te chu dan pangngai aiin meter 2 dawnte-in a chim sang a, chenna in 3,300 a chim a, mi 10,000 velin tuilian hi an tuar a, Mi 30,000 chuangin power supply an hmu thei tawh lova, tui lian hian petrol pump a chim avangin hmun \henkhatah chuan nasa takin petrol a put a, hei vang hian tui thianghlim in tur pawh hmun \henkhatah chuan mipuiten nei tawh lo a ni.
Hei bakah hian tui lian hian inkalpawhna kawngpui te leh loneitute thlai chinna hmun te pawh a chim a, ran vulh 140 chhanchhuah a ni a, thlai ton 800 vel a chim chhe tawh bawk a ni. He tuilianin a tihchhiat hi US dolar maktaduai 17 hu vel nia chhut a ni.
