Russia indo thlawhna hmanga Syria-a beihpui thlakah IS mi firfiak 120 vel thi

Russia Defence Ministry chuan Russia sipaiten indo thlawhna hmanga Syria-a beihpui an thlaknaah Islamic State mi firfiak 120 vel leh IS hnuaia thawk, ram dang mi 60 chuang an thi niin a sawi a, indo thlawhna hmanga beihpui thlakah hian Syria rama Deir Ezzor province-a Mayadeen bialah IS mi firfiakte inkhuarna hmun tihchhiat a nih bakah, mi firfiak 80 thah an ni a, Iraq ramri bula Albu Kamal khuaah pawh IS mi firfiak 40 vel thah an ni bawk a ni. IS tana thawk, ram dang mite chu Iraq ram a\angin Albu Kamal-ah hian an lut ru nasa hle niin Ministry hian a sawi a, Mayadeen hi Syria rama IS mi firfiak pawlten an awp awm chhun a ni tawh a, puan tawh angin, Syria rama mihring dikna leh chanvo chungchang buaipuitu, Britain rama Syrian Observatory for Human Rights chuan kar kal ta khan Russia indo thlawhna hmanga beihpui thlakah civil mi 14 vel an thi niin a sawi a, heng mite hi Deir Ezzor-a inbeihna thleng pumpelh tumin an tlanchhia niin a sawi a ni.