Russia ram chhim lamah bus a chetsual avangin mi 14 vel an thi. Russia police-te sawi danin, Krasnodar biala Taman lawng chawlh hmuna thawkte chuanna bus hi dawhsan atanga tlan liamin, Black Sea tuipui-ah a tla lut a ni. Krasnodar bial Governor, Veniamin Kondratyev-a chuan he bus-ah hian mi 35 vel an chuang nia sawiin, an zinga mi 20 hi chu chhanchhuah an ni tawh niin a sawi a, Russia sorkar hotute chuan mi 38 an chuang niin an sawi thung a, mi 24 chhanchhuah an ni tawh niin an sawi bawk. Hemi chungchang chhuitu, Investigative Committee chuan he chetsualnaah hian mi 14 an thih thu leh hliam zinga mi thenkhat chu an dinhmun a that loh thu a sawi a ni.
Chanchin Thar Russia rama bus chesualah mi 14 thi
