S president Doland Trump leh France President Emmanuel Macron ten Iran Nuclear chungchangah inremna thar a awm theih an beisei thu an sawi

0
737
views

US president Doland Trump leh France President Emmanuel Macron ten Iran Nuclear chungchangah inremna thar a awm theih an beisei thu an sawi. US-a inbiakna neih zawhah Trump chuan kum 2015 inremna piah lamah kalphung tha zawk neih an beisei tih a sawi a, Macron chuan inremna thar turah hian Iran-in Ballistic Missile a kalpui dan enfiahna tur pawh a tel dawn tih sawiin, Middle East-a a inrawlh dan chungchang pawh ngaihtuah tel a ni a ti. Iran chuan US hi inremna hmasa atanga a inhnukdawk anih chuan thil tha lo takin a zui ngei dawn
a ni a ti ve thung. Kum 2015 ah khan Iran chuan a laka sum leh paia hrekna tihtawp anih theihna turin Nuclear ralthuam a tih changtlun mek te chhunzawm lova a ngai anga dah rih a lo remti tawh a, Donald Trump-a kaihhruai US sorkar chuan Obama hunlaia he inremna siam hi pawhsei loh mai a tum thu sawiin, hemi chungchangah hian May ni 12 thleng nghah a tum thu a lo puang tawh a ni. Macron hian Trump-a hi inremna atanga inhnukdawk lo tura hmin a tum a, hei aia inremna \ha hi a awm thei chuang lo niin a sawi. Germany Chancellor Angela Merkel pawhin US hi Zirtawpni khian tlawhin hemi chungchang hi US President sawipui a tum bawk. Iran Foreign Minister Javad Zarif chuan US hi inremna atanga a inhnukdawk a nih chuan Iran chuan inremna a\anga inhnuhdawh ve nghal a tum tih a sawi ve bawk.