Siahaa MADC Forest Hall-ah vawiin khan District Legal Services Authority leh State Legal Sevices Authority ruahman angin Legal Service Camp neih a ni a, he Camp hi Mara Autonomous District Council Chief Executive Member, Pu N. Zakhai pawhin a hmanpui a ni. He Legal Services Camp-ah hian Siaha District-a sorkar Deptt. 7, Bank 2 leh tlawmngai pawl 2 te thupui thlanchhuah an sawihova, chung zingah chuan NLUP, DRDA hnathawh dan te, MADC hnuaia hmasawnna hna thawh dan te, Health Care Scheme te, kum lama upate leh naupangte hamthatna lam thil te, eirawngbawlna gas sem chungchang te leh Bank-in mipuite rawng a bawl sak dan te bakah tlawmngai pawl hrang hrang, MTP leh MCHP te hnathawh dan te a tel a ni. He Legal Services Camp-ah hian Fast Track Court Judge Dr. Lalrinchhana chuan mi rethei ber pawhin a dikna leh chanvo dik tak a humhalh theihna tura thil pawimawhte a tarlang a, Lunglei Additional Public Prosecutor, Pu Malsawmdawngliana chuan mitinin an dikna leh an chanvo tur dik tak an neih theihna tura danin anmahni a humhalh dan a sawifiah a ni. He Legal Services Camp hi Mizoram Legal Servicers Authority Secretary, Pu Vanlalenmawia’n a kaihruai a ni.
