Saudi hmeichhe pakhat, a chhungte tlansana Canada sorkar humhimna hnuaia tlulut ta chuan a thil tihah inchhirna a neih loh thu sawiin, nun zalen zawk a nei thei tur chu a lawm hle tih a sawi.

0
602
views

Rahaf Mohammed-i hi kum 18 mi a ni a, tun thla tir lam khan Bangkok \umhmun a\angin a chhungte hnenah thuneituten thawnlet an tum a, hotel pindan pakhatah \an khawhin, Islam sakhua a chhuahsan avangin thawn kir anih chuan a chhungte chuan an that ngei dawn niin a sawi a, Human Rights lam pawlte leh UN a inrawlh hnuah Canada sorkar humhimna hnuaiah dah a ni ta a ni. Toronto Star chanchinbu in a kawmna ah Rahag Mohammed-i chuan nun zalen zawk nei tura thih leh dam huama a chet chhuahnaah inchhirna a neih loh thu a sawi a, hmanraw pakhat ang lek leh sal ang maia enkawl nih chu a duh loh thu sawiin, a chunga thil thleng tawhte leh Saudi hmeichhiate chunga thil thleng \hinte chu khawvel hriata puan chhuah a duh tih a sawi.

Rahaf Mohammed-i hi a chhungte nen Kuwait ah an zin a, heta \ang hian put ru chhuakin, Australia-a luh tumin Bangkok lam a pan a, Bangkok ah hian man a ni a, thawn let tum anih laiin khawvelin a chanchin hi a ngaihven ta a ni.