Saudi Journalist Jamal Khashoggi-a thih chungchangah thu chiang a awm hma chu EU ramte’n Saudi Arabia hnenah ralthuam eng chi mah hralh lo turin Germany Economy Minister, Peter Altmaier-a’n ngenna a chhuah.

0
211
views

 

Puan tawh angin Saudi Arabia chuan Khashoggi chin an hriat bik loh thu vawi tam tak a sawi hnuah, Turkey-a an Consulate chhunga buaina chhuakah a thih thu a sawi leh a, Germany Chancellor Angela Merkel chuan Saudi Arabia hnenah hian ralthuam hralh an tihtawp lailawk thu Pathianni khan a lo sawi tawh a ni. Canada PM Justin Trudeau pawhin Saudi Arabia nena ralthuam inremna an lo siam tawh chu sut leh mai thei niin a sawi bawk a, mihring dikna leh chanvo humhalh kawngah an ram chuan theihtawp a chhuah reng tur thu a sawi bawk a, an Foreign Minister, Chrystia Freeland pawhin Khashoggi thih dan chungchanga Saudi Arabia insawifiahna chu rintlak an tih loh thu leh a aia chiang zawka chhui an phut thu a lo sawi tawh bawk a ni. US President Donald Trump leh Turkey President Recep Tayyip Erdogan te pawh hemi chungchang sawi hian Pathianni khan an inbia a, ram hruaitu pahnihte hian Khashoggi thih dan hi kimchang taka chhui an duh ve ve niin thuneitute chuan an sawi a ni.