Siaha District Bawrhsap, District Election Officer ni bawk, Pu Zoensanga chuan Political Party hrang hrang aiawh leh Independent candidate te vawiin khan a office-ah kawmin boruak \ha leh muanawm tak hnuaia vote thlak zawh theih a ni chu lawmawm a tih thu a sawi a, tun thla ni 11, karleh Thawhlehnia vote chhiar hunah leh sorkar siam hunah boruak \ha leh muanawm a awm zel theih nan party hrang hrang aiawhte chu thawhho puiah a sawm.

Pu Zoensanga chuan November ni 28-a vote thlak kha a muanawmin a boruak a \ha hle a, sawiselna leh lungawilohna thlen a awm lova, Observer te pawhin mak an tih khawp a tling tih sawiin, inthlanna buaipuitute leh boruak \ha leh ralmuang siamtu mipuite chungah lawmthu a sawi a ni.

He meeting-ah hian karleh, Thawhlehnia vote chhiar dan tur te, venhimna \ha tawk siam dan tur te, candidate te leh an Agent-te thil hriat tur pawimawh te inhrilhfiah a ni. He meeting neih zawh hian Govt. Siaha College-a vote chhiarna hmun tur Counting Hall a huhovin an tlawh a, ruahmanna siam dan tur a hmunah an inhrilhfiah a ni.