Heng School pahnih leh a ram neitu nihna inhlann chhawnnah hian Mizoram Sorkar aiawhin School Education Minister, Pu Lalchhandama Ralte leh School Education Secretary, Pi Esther Lal Ruatkimi’n hming an ziak a, Mizoram Synod aiawhin Executive Secretary, School Education changtu Rev. K. Lalrinmawia’ hming a ziak a ni. Hemi puala inkhawm tawi neiah School Education Minister, Pu Lalchhandama Ralte chuan, engkim tan hun ruat a awm tih a nih angin Sorkar leh Mizoram Synod indawrna awmsaah sorkar tharah hetiang hlawhtlinna a awm chu lawmawm a tih thu leh a tira enkawltu Mission kuta neitu nihna hlan let chu zirna lama thil \ha thlentu a nih ngei a beisei thu a sawi.
