Sorkar hnathawk liante Delhi sorkar lakah an hel nia sawiin, Delhi CM Arvind Kejriwal leh a thuihhruai ten Governor Anil Baijal office ah ni 4 chhung lungawi lohna an lantir

0
761
views

Sorkar hnathawk liante Delhi sorkar lakah an hel nia sawiin, Delhi CM Arvind Kejriwal leh a \huihhruai te chuan Governor Anil Baijal office ah ni 4 chhung lungawi lohna an lantir ta.

Tukin khan Ambulance pali chu Delhi Lt Governor Anil Baijal Office ah hian khalh luh a ni a, Chief Minister Arvind Kejriwal leh a minister pathum te chu an hriselna dinhmun endik sak an ni. Deputy Chief Minister Manish Sisodia leh Health Minister Satyendra Garg te chuan tiam chin awm lovin chaw an nghei mek a, Kejriwal leh a \huihhruaite chuan sorkar hnathawk lian abikin IAS ten Delhi Sorkar \ha taka an thawhpui hma chuan lungawi lohna an lantir mek hi tawpsan an tum lo a ni. Governor Office-a lungawi lohna lantir mektu Kejriwal leh a \huihhruaite hi eptu party hruaitu \henkhatin tlawhin BJP sorkar chu na takin an sawisel a, Delhi Secretariat Bulding-ah nimin khan banner pakhat, ‘Lungawi lohna lantir an awm lo, Delhi mipuiten an hna pangngai an thawk a, Chief Minister erawhin chawlh a la a ni’ tih tar a ni a, Kejriwal chuan he thil hian a barakhaih thu sawiin, BJP chuan Delhi Secretariat pawh an thuhnuaiah an dah ta a ni a ti a, Police ten engmah an ti lo chu mak a tih thu a sawi. Samajwadi party hruaitu Akhilesh Yadav chuan he banner hi na taka sawiselin, Democracy tih chhiat vekna ai pawha chhe zawk a ni a ti a, BJP chet dan chu demin Democracy pawng laktute chuan mipuite chenna in te pawh an la chhuhsak duh dawn a ni a ti.