Sorkar thara Minister-te’n vawiin a\ang khan Pisa an luah hlawm a. Deputy Chief Minister, Pu Tawnluia chuan tukin dar 9:30 khan New Secretariat Complex-a a pisa a luah \an a, hemi puala inkhawm tawi neihah Pu Tawnluia chuan MNF party chu mipui rawngbawl turin Pathianin a buatsaih nia sawiin, chumi atana Pathian leh Chief Minister duhsakna zara dinhmun pawimawh chelhtute zinga hlankai a ni chu lawmawm a tih thu a sawi a ni.

0
589
views

Pu Tawnluia chuan, MNF kaihhruai sorkar thar chu Mizoram leh hnam tana danglamna thlentu a ni dawn nia sawiin, Inrinnia sorkar thar lakluhna pawh kum danga la tih ngai loh angin Pathian hnena inhlanna neiin, Minister-ten Mizo \awng ngeiin rinawmna thu an tiam a, hei mai hi ni lovin zaipawlten ‘Haleluia Chorus’ an remte chu an danglamna tilangtu a ni, a ti a. Ram rawngbawl hna a thawh kawngah a enkawl Department-a Officer leh thawktute bakah Mizoram mipuite chu \ha taka \awiawm turin a ngen a ni.

Power and Electricity Minister, Pu R. Lalzirliana pawhin vawiin khan a Pisa thar a luah a. Pisa thar luah puala inkhawm tawi neihah Pu R. Lalzirliana chuan, Congress sorkar tir kha chuan a thusawi ngaihpawimawh a ni \hin nia sawiin, hun engemaw chen kal tawh a\anga a thusawiin ngaihsak a hlawh tak loh avangin a dinna sawh sawn a, hetianga awm hi a ngai ta niin a sawi a. MNF a zawm hnuah an party hotuten duhsak taka an cheibawl leh a tlin loh hlaua theihtawp an chhuahpui chu lawmawm a tih thu a sawi a. Minister a nih anga a mawhphurhna a hlenchhuah theih nan Mizoram mipuite thawhpuiah a sawm a ni. Pu R. Lalzirliana hian P&E bakah Art & Culture, Land Resources, Soil & Water Conservation leh District Council & Minority Affairs Department-te a enkawl dawn a ni.

Law Minister, Pu TJ Lalnuntluanga pawhin vawiin khan a Pisa thar luahin, a Office chu dikna leh rinawmna nena kalpui a nih tur thu a sawi a. Amah mai chuan a mawhphurhna chu hlen zawh rual a ni lo tih sawiin, a enkawl Department hrang hranga Officer leh thawktute bakah Mizoram mipuite chu \awimawm tlat tur leh theih tawp chhuaha \awng\ai sak \hin turin a chah a ni. Minister of State, Pu TJ. Lalnuntluanga hian Law Department bakah Parliamentary Affairs, Transport leh Environment, Forest and Climate Department-te a enkawl dawn a ni.

Sports Minister thar, Pu Robert Romawia Royte pawhin vawiin khan a pisa thar a luah \an a. Chief Minister, an party hotute leh a bial mipuite duhsakna zara Minister mawhphurhna pawimawh tak a chelh thei chu lawmawm a tih thu sawiin, he mawhphurhna pawimawh tak hi dik leh \ha taka a hlenchhuah theih nan an Drepartment Officer leh mipuite chu \awiawm tlat turin a ngen a ni. Pu Robert Romawia Royte-in Pisa thar a luahnaah hian a enkawl Department-a Officer leh amah duhsaktu mi engemawzat an tel a ni. Pu Robert Romawia Royte hian Sports Department bakah Tourism leh Information and Communication Technology Department-te a enkawl dawn a ni.