Sri Lanka-ah curfew puan a ni chungin Muslim 1 thah a ni.

0
13
views

Mifirfiak, ISIS pawlin Easter-a Sri Lanka an beih hnuah Muslimte laka hleilenna leh tih duhdahna a thleng nual a, mosque leh Muslim sumdawnna dawrte suasam a nih avangin sorkar chuan curfew a puang a, heti chung pawhin Puttalam district-ah Sri Lanka Muslim, kum 45 mi thing mistiri chu a hnathawhna hmunah mipui pungkhawmin beiin na takin kut an thlak a, damdawi in thlenpui a nih hnu lawkah a thi a ni.

Prime Minister Ranil Wickremesinghe chuan Muslim te laka tharum thawh zawnga ruahmanna siam pawl, tu tih hriat loh te’n an ram chhungah buaina an thlen loh nan curfew hi puan a ni tih a sawi a, police leh ram venhim hnathawktute’n theih tawp chhuah mahse heng pawlte hian buaina siam an la tum fo a ni a ti a, hei hian Easter-a thil thleng chhuina a tibahlah a ni tih a sawi bawk.

Police te chuan Muslim sumdawnna hmun, lirthei leh Mosque te lung a vawm leh hal tumna a thlen fo thu an sawi a, police hotu Chandana Wickramaratne chuan heng pawikhawihtute hmetmit tur hian police te chu a \ul dan ang zela khauh taka hma la turin thuneihna pek an ni tih a sawi.