Supreme Court-in Citizenship Ammendment Bill laka ngenna thehluh chungchangah Sorkar Laipui insawifiah turin a ti.

0
618
views

Supreme Court chuan Citizenship Ammendment Bill hi Rajya Sabha-a ngaihtuah tur a la nih avangin hemi hmaa lo ngaihtuah chu rem loah ngaiin ngaihtuah hun tur a lo ti khawtlai tawh a, Chief Justice Ranjan Gogoi-a kaihhruai bench chuan PIL lut hi ngaihtuahin, central sorkar chu hapta ruk chhunga a ngaihdan hriattir turin a ti a ni. CAB dodaltu forum Nagarikatwa Aain Songsudhan Birodhi Mancha te ngenna thehluh hi Justice LN Rao leh Sanjiv Khanna te’n an ngaithla bawk a ni.

CAB hi pass anih chuan mahni ram tlansanna India rama humhimna zawng a pemlut Hindu, Jain, Christian, Sikh, Buddhist and Parsi mi te chu kum 6 hnuah India khua leh tui nihna pek theih an ni dawn a, PIL chuan sakhua azira khua leh tui nihna pek tiamna chu India Constituion-a kalh a ni an ti. Assam Accord, kum 1985-a siam, March 24, 1971 hnua Bangladesh a\anga Assam lut chu dan loa pem an ni tih tarlan pawh he bill hian awmze nei lovah a siam dawn a ni an ti bawk. PIL thehluttute hian sorkar laipui, Ministry of External Afairs leh Assam sorkar chu kum 2015-a siam Passport Amendment Rules chu kalpui-a turin an phut bawk a, sorkar laipui chu National Immigration Policy leh National Refugee Policy duang turin National Immigartion Commission din turin an phut bawk a ni.