Supreme Court-in Lt Col. Prasad Shrikant Purohit hnenah bail-a chhuah phalna pe

0
842
views

Supreme Court-in kum 2008-a Maharashtra-a Malegaon khawpuia bomb tihpuahnaa inhnamhnawiha puh avanga lung ina khung, sipai hotu, Lt Col. Prasad Shrikant Purohit-a chu bail-a chhuah phalna a pe. He thubuai avang hian Lt Col Purohit-a hi kum 9 chhung a tang tawh a, nikuma Bombay High Court-in bail-a chhuah a dilna a hnawlsak hnuah, court sang ber hnenah a thlen leh a ni. National Investigation Agency chuan he sipai hotu hi he pawi khawihnaah hian a inhnamhnawih tih finfiahna a nei nia sawiin, bail-a chhuah hi a remti lo hle a, kum 2008, September thlaa Malegaon-a bomb puakah khan mi 7 an thi a, mi dang 100 vel an hliam a ni. Lt Col Purohit-a ukil chuan lung inah kum 9 chhung tang tawh mah se, thiam loh chantir a la ni lo niin a sawi a, hei hian a inhnamhnawih ngei tih finfiahna rintlak a awm lo tih a tichiang niin a sawi bawk a, Maharashtra dan tlawh chhana Lt Col Purohit-a hrem a nihna chu hlih a nih tawh avangin bail-a chhuah hi phalsak ngei tur niin a sawi bawk.