Taj Mahal chungchanga inhnialna kal zelah vawiin khan Union Toursim Minister, Alphons Kannanthanam chuan Taj Mahal chu ram chhunga thil chhuanawm berte zinga mi, sorkar pawhin a ngaihhlut tak a ni tih a sawi. Puan tawh angin, Uttar Pradesh BJP MLA, Sangeet Som-a’n Taj Mahal satu chu mahni pa thattu, ram phatsantu leh Hindu mite suattu, ram chanchina thil zahthlak leh chawimawi tlak loh niin a lo sawi tawh a, India ram chanchin sawinaa Mughal lalte leh an thiltih chungchangte tarlan tel ve loh \ha zawka a hriat thu te pawh a sawi a, hei hian sawiselna leh titi a titam hle a ni. Pu Kannanthamam chuan Uttar Pradesh sorkarin an state-a zin mite hipna tur a duan pawh ennawnpui leh turin kar leh hian Agra a tlawh tur thu a sawi bawk a ni. State CM, Yogi Adityanath pawhin Taj Mahal chu tu sak pawh ni se, thi hlui chhinchhiah tham tak a nih thu leh, ram leilung fate thahrui, an thlan tui leh thisen senga sak a nih avangin, ngaihhlut loh theih a ni lo a ti bawk.
Chanchin Thar Taj Mahal chungchangah Union Tourism Minister tawngchhuak
