Taliban leh Afghan thuneitute inbiaknaah remna leh muanna a awm theih nan hmalak dan tur ruahmanna an duang a, he ruahmanna hian kum 18 chhung indona chu a tihtawp thuai beisei a ni.

0
44
views

He inremna ang hian civil mite tawrhna ti tawpin Islam sakhaw inrelbawlna chhunga hmeichhiate himna tur ngaihtuah a ni dawn a, he inrem lailawkna hi US leh Taliban ten US sipaite inhnuhletna tura inbiakna kal mek hlawhtlinna chikhat a ni a, US hian Taliban te hi kum 2001 khan an lo chhu chau tawh a ni.

America aiawh leh Taliban aiawhte inbiakna thawh 7-na chu neih leh thuai a ni dawn a, hetah hian US sipaite an inhnuhlet dan tur ruahmanna kimchang pawh siam theih tawh beisei a ni a, Afghanistan chu mifirfiakte inkhuarna hmuna a chan lohna turin ruahmanna siam tum a ni ang. Taliban te hian US sipaiten Afghanistan an chhuahsan dan tur ruhman fel anih hma loh chuan Aghanistan sorkar aiawh nen inbiak an duh lo a ni.

US sipaite hi Afghanistan-ah hian kum 18 chhung an awm tawh a, tunah hian remna a awm theih dan tur kawng dap chhoh mek a ni.